G.E.M.日本做騷遭海關扣留

G.E.M.、日本歌手中村直人、台灣歌手盧廣仲和唐禹哲，昨天在東京演出「ASIA MUSIC CONNECTION 2012」，前晚G.E.M.跟廣仲飛抵日本機場，竟然被海關扣留不准入境，她在微博留言自爆：「我在東京，剛下飛機，被扣留中，盧廣仲先生也是，請問工作簽證出了甚麼問題呢？我肚子好餓，我想出去吃東西。」

吹口琴過日辰

記者致電G.E.M.了解，她無奈說：「工作簽證係日本主辦搞，不過佢哋忘記通知最後一個步驟，原來要去移民局蓋章，所以我哋冇蓋到，被扣留差唔多一粒鐘，我唔係咁驚，大家仲講笑同玩，但盧廣仲就有啲擔心，我同佢開玩笑氹佢，又影咗張相擺微博，後來移民局話唔准影，廣仲就吹口琴度過無聊時間。」合照中，被扣留的G.E.M.仍保持笑容，廣仲卻笑唔出，相映成趣。

後經日本主辦機構跟當地移民局解釋，因為G.E.M.和盧廣仲昨日要做騷，擔心表演唔到，結果獲移民局同意，發臨時落地工作簽證，G.E.M.說：「我哋去到酒店已經夜晚10點幾，搵唔到餐廳，惟有喺附近居酒屋搵嘢食。」

昨午約4時，G.E.M.在演出前發微博：「再過一個半小時，我和Lupo（監製）就要上台了，但今天我除了表演外，還要擔當Lupo的化妝師，哈哈哈。」G.E.M.不但有心情幫監製化妝，揹着結他一身rock妹look的她整裝待發，心情完全未受扣留影響。

文：音樂組