JC跌谷底：唔係世界末日！

2010年好多工作機會，但我完全唔知發生咩事，只係突然紅咗，每個星期工作量多咗好多，真係做唔停！但當時我唔覺得自己好紅，唔係虛榮嘅高位。當時真係好多嘢做，曾經有想過停一停啲工作，甚至離開香港，因為覺得有啲抖唔到氣，每個星期都冇太多時間休息，所以我當時知道有得放假就會好開心。不過我從來都冇埋怨，嗰時確實過得幾如意，事業變化大咗，但心情唔係特別去到一個高位。

JC很感激經理人、粉絲一直支持。	JC很感激經理人、粉絲一直支持。	JC與葛民輝合作拍廣告而一舉成名。

上年接二連三發生好多事，心情當然變化好大。首先同男友分手，其實年中我未同佢分手，但已有分手諗法，知道大家唔可以再走落去！同Sergio曾經努力嘗試相處，雖然唔捨得段感情，但理智覺得唔得，所以之後決定分手。記得當時我喺美國都幾難過，心情跌到落谷底，而且我感情付出太多，又要主動提出分手，其實真係好痛苦！

本報去年十一月獨家拍得JC到教堂懺悔。

JC曾到美國開拓事業。

唔想被擺上枱

之後發生櫃員機600蚊事件，講真我都唔想，有啲無奈，但估唔到五日後又有疑似淫片流出，好似玩緊過山車！淫片就算真假都好，邊個都唔想自己被擺上枱。初初我知道件事之後，真係呆咗！第二次聽經理人電話就喊出嚟！嗰時我冇記憶，就算真係有發生都唔記得，好似發夢嘅感覺，真係好戲劇化。

發生呢件事係不幸，當時好無助，但慶幸我咁啱唔喺香港，去咗台灣拍戲。亦因為我唔識睇中文，當時傷害已減到最低，只要經理人同身邊朋友唔講我就唔會知，所以我有同助手講叫經理人唔好打畀我話我知報紙講乜，等我可以專心拍戲。心情係跌到谷底，但我唔覺係世界末日，希望在明天。過咗去嘅事邊個遇到都會唔開心，可能有啲人以為我好唔開心，心理調整後都起唔番身。但我唔係，性格比較樂天。無錯當時我唔開心，但過咗去就冇事，因為我調節得好好。

冇諗退出娛圈

我唔覺得演藝只係唯一嘅出路，而且我冇諗過要離開娛樂圈同model界。雖然經理人有同我講呢啲事會影響我喺娛樂圈發展，我哋亦經常為呢件事討論，但我唔係咁諗，所以呢啲只係暫時低落，我唔覺係長遠。而且當時我返嚟就同古巨基合作，他同記者都有慰問，覺得有很多朋友關心。背後仲有好大原動力，因為fans可能睇到啲新聞會覺得我已玩完，但我唔想佢哋擔心同失望！

Profile

全名：Jessica Cambensy

年齡：23歲

血統：父親為美國人，母親為菲律賓華僑

身高：1米70

三圍：34C、24、35

代表作品：

曾拍Canon打印機、Wacoal內衣、潔柔衞生紙廣告及電影《熱浪球愛戰》

口述︰Jessica C.　筆錄︰專案組　攝︰倪立煌