張學潤 Cammi 「父女檔」嚇人
向來被指似樣的張學潤（Nel Nel）與Cammi，以「父女檔」姿態踢走梁思浩成為新一輯《怪談》主持。不過Nel Nel強調只想做好本分：「我以前都係《怪談》主持，又出咗三本鬼故事，夠晒資格，而且有新鮮感都係好事。」
二人早前為節目拍攝宣傳片，為加強噱頭，Nel Nel戴假髮扮長髮女鬼，造型驚嚇。他笑謂：「有線真係大細超，要我化個咁核突嘅妝，又要我踎到腳都痹，但Cammi就化靚妝輕輕鬆鬆坐喺度。」Cammi則說：「平時我聽完鬼古會瞓唔着，好難想像我一晚睇咁多靈異事件之後會點。」