Mika寸前度博愛 再踩Mia
o靚模許穎（Phoebe）、龐錢景峰舊愛蕭美卡（Mika）、「爆Ｅ超蓮」鍾采羲（Iris）、「混血Ｅ神」林宜芝（Monna）與夏然然（Cassie）前晚以低胸性感裝出席活動，問Mika是否與同是龐錢景峰舊愛的潮媽陳靜儀（Mia）寫真戰中比併？Mika狂寸對方謂：「我後生啲！（寸佢老同生過ＢＢ？）只係好似正常人咁講事實。（買對方寫真？）送都唔要！冇咩興趣，淨係撐自己。」不過她否認拒撐Mia是因對方與龐錢景峰拍過拖：「佢（龐錢景峰）同過咁多人拍拖，唔通我又要嬲咩！」
今年亦加入寫真戰的Iris則批評新人：「今年嘅新人真係愈來愈激進！又話露三點，好淫穢。」Phoebe現場拒絕與Iris及Monna大方合照，她說：「大家唔同級數，我都唔識佢哋，我係天然cup，佢哋係師妹級。」此外，Pheobe昨晚在微博留言似發洩不滿：「我是不是又被人擺上枱呢？又要同啲唔知咩人大合照，究竟發生咩事？」
