蔚雨芯瞓床騷美腿

歌手狄易達師妹蔚雨芯（Rainky）早前到惠州拍攝床褥廣告，兩日一夜之旅不停「典床典蓆」。表面上十分舒服，但身穿薄如蟬翼的睡衣，她直言凍到震，並笑言瞓床擺甫士並不容易：「瞓喺度拍，塊面啲肉好易歪晒，所以要好識遷就角度。」對於穿睡衣開工騷美腿，她直言不覺得性感：「都冇咩露肉，不過我平日都係着褲瞓覺，始終屋企有男成員唔方便。（平時睡眠習慣係點？）我鍾意攬住枕頭，多數趴喺度瞓。（唔怕壓扁胸？）睇我就證明唔會啦！」問到拍攝時有否不自覺睡着？她直言睡陌生床沒有安全感，故不易睡着，平日搭車都不會小眠。