蔣家旻 張景淳雙飛吸金

無綫藝員蔣家旻（Angel）及張景淳早前憑劇集《天與地》的「阿Yan」及「家明」成功彈出，其實兩人已默默耕耘多年，踏入2012年終吐氣揚眉，希望繼續孖住飛躍！

蔣家旻在新劇中扮演工於心計的妓女，甚考演技。	鬼主意多多的景淳與Angel突然扮《喜劇之王》的經典甫士。	張景淳與蔣家旻以兄弟相稱，即使拍親熱戲亦不怕傳緋聞。

歌手出身的張景淳年前以組合Cheers身份出道，其後加入TVB主力做主持，他直言得益不少，不覺得「家明」是「遲來的春天」：「呢一年網絡威力大咗先有好成績，我知話題幾熱都會轉淡，好在監製家豪哥（劉家豪）畀我加入《護花危情》演李國麟少年版，有一段變態殺人經歷，好有發揮！」22歲的Angel飾演的角色愈來愈吃重，最近在古裝劇《大太監》中演貪錢妓女，性格複雜：「我要呃太監曹永廉，扮到好純，但其實好有心計。」看來Angel隨時憑此角再升呢！

相識多年 兄弟看待

Angel及景淳同於07年參加TVbeople進入TVB，相識多年，問到會否日久生情？景淳讚Angel爽朗健談，但笑言當她是男仔：「我哋係好兄弟，有佢喺度就唔會Dead Air，佢個樣一望就認得，呢樣嘢對藝人嚟講好重要！」Angel亦讚景淳細心體貼：「雖然佢當我係男仔，但好照顧我！」她希望「阿Yan與家明」效應持續，兩人組情侶檔登台及拍廣告！

文：立影　攝：沈健程

蔣家旻髮型：Leo＠O4 Osmosis

張景淳髮型：Pinky Poon＠HH IL Colpo Group