李紫昕出錢出力 投資兒童音樂劇
香港兒歌天后、新城DJ李紫昕將於五月初舉行六場《怪獸國王灰姑娘》兒童魔術音樂劇，她既是演員，亦是投資者之一，她說：「我會飾演灰姑娘一角，劇中嘅歌曲都係我創作，今次同楊英偉（無綫前演員）合資，我拎咗六位數字出嚟，但我唔係以賺錢為大前題，只想帶出個新訊息，讓小朋友可以好開心咁去學習。」
李紫昕發現近年香港充斥「怪獸家長」，為了子女成為尖子兒童，一日廿四小時也要小朋友不停學習，不但小朋友辛苦，家長也承受沉重壓力，她說：「家姐嘅小朋友只得兩歲，但家姐已經擔心佢哋唔夠其他小朋友叻，成日好似癲咗咁，不停話催谷啲仔女。（有冇被嚇怕，唔敢生小朋友？）咁又唔會，因為我好鍾意小朋友，一定要生多幾個，但唔知自己嫁唔嫁得出。」