Rick Chin撐栢芝夠義氣

化妝師Rick Chin昨日出席「永垂不朽的國度：瑪雅文明」攝影展＠海港城活動時，對於好友張栢芝於今年底舉行巡迴演唱會，他表示：「依家傾緊，未落實。應該唔會咁快，佢有幾部戲喺手。」他表示開個唱需要很多時間練歌及練舞，並笑言栢芝毫無跳舞細胞，故給自己很大壓力。另栢芝被斥以金錢掛帥，他即力撐對方說：「佢真係為義氣多過為錢，好多活動佢都唔收錢，拍膊頭就幫手。好似我將要推出嘅BB護膚品系列，佢都自薦幫我做代言人。」至於栢芝被封金掃帚獎一事，他謂栢芝心情並未受影響，因該選舉並無公信力。