熊黛林守得雲開：感動，開心

昨晚熊黛林出席時裝活動，同場還有名模Mandy Lieu、Jocelyn與夫婿Anthony及Alice B.等。以斜膊裝示人的Lynn狀態大勇，心情靚絕，記者笑問她是否已經跟城城講和？她甜笑說：「點答呢？（城城同你爸爸媽咪一齊食飯喎！）食飯啫！（雨過天青喇？）冇咁嚴重，總之依家開開心心啦！」

被攻擊無能為力

對於有郭富城的粉絲不喜歡她，還公開攻擊她，Lynn淡然回應：「我都有睇過，不過我又唔係萬能，我覺得我做好本分就可以，作為一個女仔當然想有人鍾意我，但自己努力過解釋過都冇用，始終都係會有人唔鍾意我，我亦無能為力，不過佢fans唔鍾意我唔緊要，鍾意佢咪得囉！」

放大圖片	近日人氣急升的Alice B.，獲邀出席品牌活動。

問到會否以結婚來平反人家的多餘想法？她認為時間可以證明一切，亦希望大家給她空間。哪城城公開力撐她，是否很感動呢？她說：「有感動，好開心！（守得雲開？）我未嫁㗎，對我嚟講世界冇乜改變，大家都覺得（我哋）咁多年，終於都咁（守得雲開）喇，大家都好錫我！」

Mandy Lieu昨晚長裙露面，性感度略嫌不足。

Anthony夫婦均認為拍藝術裸照並沒大不了。

Anthony：裸照普通

此外，同場Jocelyn的夫婿Anthony回應被翻拍裸照舊帳，他笑說：「其實係15年前影嘅，當時好多藝人都影，亦好普通，出嚟效果都好藝術。（喺同性戀網流傳？）唔介意，男仔女仔都鍾意我幾好呀！」而Jocelyn則表示不同年齡會做不同的事情，他日懷孕或會考慮拍大肚照呢！

文：名人組