陳敏之：佢生得都係靚女

陳敏之：半年前有同佢（楊思琦）食飯，但之後冇聯絡。佢生得都係靚女，恭喜思琦。

徐淑敏：我同楊思琦合作過《更上一層樓》，但已經冇乜聯絡，我希望佢快啲搵到個錫佢嘅伴侶。

陳法拉

徐淑敏

陳法拉：恭喜思琦！任何人做媽媽都開心。

鍾嘉欣：希望母女健康，但一路冇見佢亦冇聯絡。佢想講就講，一直有問候佢但冇問細節，大家畀啲空間支持佢。

吳帥好友俞越：我都唔知思琦生女，都係你哋打嚟問先知。近排我都好忙，大家好耐冇聯絡，而且我冇思琦直接嘅聯絡電話號碼。（傳短訊恭喜佢哋？）會，我同吳帥係好朋友，當然會恭喜佢！

郭晉安：恭喜思琦生Ｂ！好耐冇聯絡，同思琦唔太熟，之前拍過一部戲，但平時好少見面，喺公司度碰面會say hi，但會喺微博恭喜佢。佢之前同李泳豪嘅負面新聞都已經處理完畢，希望佢好好珍惜同埋照顧好個小朋友。