阿倫零興趣：歌名都噏唔出

譚詠麟（阿倫）昨日率領李克勤、樂隊Mr.及泰迪羅賓齊齊力撐「契仔」關楚耀（Kelvin）為nowTV主持的《關人煮事》新節目。對Lady GaGa五月到港開唱，圈中很多歌手、名人都四圍託人撲飛，阿倫被問到可有加入撲飛團時，他笑說：「如果我有飛，一定攞去賣！」自認非GaGa迷的阿倫坦言不識對方的歌：「佢早期有一、兩首歌都識，但我連歌名都噏唔出。」

籲樂壇同舟共濟

談到本報率先報道無綫銳意與四大唱片破冰，擬放寬歌手自由度可任意亮相其他電視台，以利誘歌手再簽新協議，阿倫直言早已沒簽歌星合約，並說：「呢個係台階，對資深藝人冇乜影響，對新歌手就可行。依家香港樂壇唱片業低迷，需要新能量、重整軍容，係要多方面配合，大家要同舟共濟。」已經有兩年多沒有亮相無綫的阿倫，笑說如入電視城要有「導盲犬」隨身。

至於「無綫契仔」克勤則稱仍未收到任何形式或內容進展：「我唔敢立亂答。」他坦言無綫舊那批熟悉的人員都走晒，但亦希望消息屬實：「世界大同係好事，（你再跟大隊去做？）呢樣（簽約）係睇個人，每人諗法唔一樣，我會交畀唱片公司同經理人去睇。」Kelvin就表示合約交由唱片公司決定，但多些平台給歌手亮相始終是好事，觀眾也可有不同的選擇。

文：音樂組