Eason真身為禮 巴黎送驚喜

徐濠縈一連幾日待在巴黎時裝周工作，昨日她出席Chanel時裝騷，同場有台灣宅男女神陳妍希、女星周迅及姚晨等。Eason的現身自然令太太阿徐無限驚喜！

阿徐自言已預感老公會來探班：「我嚟咗巴黎都有keep住跑步做運動，尋（前）日喺酒店做gym時，Eason突然打畀我話good morning，我都估到少少，心諗有時差佢冇理由會打畀我，所以第六感覺得佢嚟咗，不過都開心嘅，只係擔心自己太忙陪唔到佢！」她還笑言在巴黎沒人認識「陳奕迅」，終於輪到Eason當他「背後」的男人。

陳妍希想有艷遇

Eason被記者嘲笑驚喜被識破，他笑言很易被人識穿：「不過安排嘅過程都好開心，過嚟當放吓假囉，今次嚟純粹同太太慶祝生日；其實我好鍾意搭長途機，因為平時冇時間睇戲，坐長途機可以睇餐飽。」

同場的陳妍希首次踏足巴黎，感覺興奮，甫到場即被中外傳媒包圍拍照，令她受寵若驚，更自爆想有艷遇：「人哋話法國人好冷漠，我唔認同，我覺得佢哋好友善同有特色，而且我唔介意另一半係外國人。」

此外，昨日「第12屆音樂風雲榜年度盛典」公布入圍名單記者會上，陳奕迅和方大同入圍最佳男歌手，與林宥嘉、陳楚生和汪峰一較高下，最佳女歌手入圍則有張惠妹、周筆暢、蔡健雅、田馥甄（Hebe）及譚維維。