阿Sa 伊健 昆士蘭出軌
蔡卓妍（阿Sa）與鄭伊健再續前緣，鐵定以「感情價」接拍新戲，力撐導演阮世生圓夢。二人今次將飛往昆士蘭談情說愛，情海翻波各自遇上新對象，面臨一次婚姻大考驗！
最近影圈流行拍續集，02年剛出道的阿Sa夥拍伊健的愛情喜劇《我老婆唔夠秤》口碑不俗，原來去年阮世生與寰宇電影已蠢蠢欲動，花上千萬籌拍續集《我老婆唔夠秤2之我老公唔生性》，希望找來原班人馬慶祝「十周年」。該片落實月底開工，預算趕及9月上映。雖然男女主角工作繁忙，但聞得阮導對此片的情意結，接洽不久已先後首肯簽約接拍。據悉他們在片酬上更作出「適當調節」，寧願減價將資金花多點在製作費上，可謂皆大歡喜！
阿Sa今次除擔任女主角外，在製作上亦出力不少，向阮導提議拉隊往昆士蘭取景，務求畫面做到靚人靚景。她接受電話訪問表示：「之前Twins去過當地影寫真，我畀啲相導演睇，佢都覺得靚到唔信，今次我終於有機會舊地重遊嘞！（減片酬接戲？）因為依家好似動作片先可以有大投資，我都係想支持吓喜劇啫。」
祖兒明年添食
早前阮導已帶頭約食飯，讓台前幕後先行「熱身」，席間大家吵鬧嬉戲無隔膜，就連伊健經理人林姍姍抱病亦不禁「笑死」。原來阮導有感虧欠阿Sa及伊健一個人情未還：「當年港產片唔興喺內地上映，今次我會帶佢哋衝入大陸市場。其實除咗《我》片外，我對當年嘅《神經俠侶》都好有情意結，如無意外明年都會開拍續集，（容）祖兒初步都好有興趣。」
文：影視組