湯盈盈蜜遊定情 逼嘉樂求婚
湯盈盈昨日為好友文頌嫻（文女）任姊妹團，但她自爆因飲用過期咖啡而「病病哋」，又被傳媒追問婚期，搶去新娘子不少風頭。問她早前被拍得跟錢嘉樂「蜜遊」新加坡一事，盈盈否認預支蜜月：「嘉樂去做嘢，我咪攞幾日假跟埋去囉！」
問到盈盈會否介意如文女般「帶球嫁」？她即扯開話題：「戥佢開心。（你點睇？）世事好難講，唔知喎！」談到嘉樂寫包單後年娶她，盈盈甜爆說：「返嚟後一直畀人追問婚期。（係咪搞緊？）唔係，十劃都未有一撇！（後年結婚？）咁叫佢求婚先，依家都未求過！（未結婚已不設防？）吓？『造人仔』不如『搵人仔』好過啦！」
