又南天佑唔認鹹魚

組合Shine成員徐天佑及黃又南昨晚出席I.T旗下品牌mercibeaucoup時裝騷,他們自言想睇Lady GaGa的演唱會:「可惜好難買,(買到拎去炒?)想o架,但有能力買到先得。」問到二人的演唱會籌備如何?他們說:「未傾好,好多細節嘢未傾,包括場地同條件。點都會今年內搞,畢竟係十周年。」他們更表示希望黃偉文、陳奕迅及梁漢文到場,問會否叫上台表演?他們雀躍回應:「佢哋嚟一定叫。」更表示二人多年從未一起作歌:「今年會作首畀大家聽。」記者問怕否被指鹹魚翻生,二人笑言:「以前未至於鹹魚呀嘩!(怕反應唔熱烈?)今年純粹搞個音樂會慶祝十周年,今年都仲會拍電影,不過專注音樂多。」