JW 六月回歸全職幫黎明

黎明愛將JW因要完成英國的學業,過去兩年返港出碟如做「暑期工」,不過她於今年終於畢業,6月回歸香港正式投入樂壇做全職歌手,她興奮表示:「暑假就正式畢業啦!好期待返香港,其實我都幾矛盾,因為自己好鍾意地理呢一科,亦都又好鍾意唱歌,有時會諗讀咁多地理好似冇乜用,但明白知識和學問係一世,所以就算點都應該完成學業先。」

至於JW決定回港發展,父母可有反對她未有學以致用?JW則言父母都很明白和支持她的決定:「媽咪都好贊成我唱歌,而阿爸都一樣支持我,但就提醒我要記住學過嘅嘢,等將來有機會就幫助社會。」