於飲食業打滾多年的楊其龍（Gilbert），今年踩入按摩界創辦足部反射療法及按摩店「ten feet tall」。有別於一般氣氛較陰沉的港式足浴店，此店以白色為主調，配合一系列木製及藤製家具，極具加勒比海小島風情。上至裝修、布置，下至背景音樂、香薰，甚至光暗度，Gilbert都一絲不苟，務求令客人有度假般的輕鬆心情。他續說：「我哋用嘅毛巾一定會每次更換同消毒，而且喺每間房入面都有洗手盆，按摩師為客人服務之前都一定會洗手，確保客人按得衞生又放心。」
至於店舖何以取名為「ten feet tall」？他笑言：「除咗食個feet字，仲係沿於外國俚語feel ten feet tall，意思即係覺得好開心。想大家嚟呢度做完按摩，都會覺得好開心！」
此店雖然設立於繁華的中環區，但收費卻相當大眾化。細心的Gilbert更打算為一眾忙得不可開交的上班族，度身訂造一個「午市套餐」，讓大家於午膳時間鬆一鬆，邊按摩邊享受輕便的午餐，儲足精力迎接餘下忙碌的大半天。
Gilbert笑言此店已變成他與朋友的新蒲點：「我哋成日一邊按摩，一邊傾偈，貪佢夠舒服。好多外國朋友按完之後，都話要介紹其他朋友嚟。希望將來舖頭可以愈來愈國際化，成為香港吸引外國遊客嘅朝聖地。」