李依琳想拍血腥恐怖片
扒女李依琳（Elaine）前晚與外籍男友人一起出席中國著名攝影師陳漫的攝影展，Elaine表示目前正幫父親手打理生意，她說：「都有少少興趣，但我最鍾意係拍戲做導演。（做演員呢？）唔會，因為我好怕醜，鍾意做幕後。（想拍咩類型嘅戲？）我鍾意拍恐怖片，我鍾意血。（爹哋支唔支持你拍戲？）幾啦，佢想我做生意多啲，同埋佢覺得一個女仔喺香港做電影好難。我覺得香港電影業有好多人材，希望可以做好啲。」
而同場的黃偉文對於早前被拍到與同性醫生密友Stephen逛街的報道，他說：「成日都影到，我同唔同人去街都影到，只要唔係影到我做壞事就冇問題。（話佢係你寫歌嘅靈感？）嗰篇訪問錯得幾緊要，天方夜譚到冇可能逐個點去澄清，所以冇感覺。」