江若琳升呢媽咪級 6年內生仔
江若琳重看自己於《學警狙擊》中的演出，坦言當年十分幼嫩，於娛樂圈打滾多年的她，笑言如今已「升呢」做媽咪級角色。至於現實生活，她早已計劃於三十歲成為母親，雖然她從沒公開戀情，但卻深信緣分要來便來，自信六年內能成事。
藝人江若琳（Elanne）、黎明愛將文詠珊（Janice Man）、模特兒周倩圯（Samantha）、蔡穎恩與陳嘉寶等，昨日出席由本地星級形象設計師郭慶彬（Ricky）與日本人氣品牌Rosebullet合作的時裝騷，名模Mandy Lieu及JM等分別以打頭陣及壓軸身份行騷，地位超然。
Elanne對於無綫重播她有份參與的劇集《學警狙擊》，她笑言有重看自己當年的演技，坦言：「嗰時好細，得十九歲，仲好幼嫩，講嘢仲好細路女。」但她認為自己當年的年紀很配合角色，現今反而做不回那個感覺。她笑言：「依家我喺《高舉．愛》裏面已經做媽媽嘅角色啦，每個人唔同階段會有唔同體會。（現實生活中幾時做？）三十歲囉，一路都有計劃，依家仲有六年時間，到時應該搵到。緣分嘅嘢，啱就係嗰個，唔使尋覓。」另外，她透露近半年將專心製作唱片，現在亦有數個劇本洽談中，下半年有機會重拍無綫劇集。
JM工作療情傷
而同場的JM被問及舊愛李冠峰搭上冬甩成員劉瑋欣（Vilian）一事，她再三強調分手與第三者無關。問到知不知道女方是誰？她坦言：「唔識，亦都唔知佢係邊個。（會唔會八卦吓？）我個人唔八，總之佢開心就得。」另外，她透露因有兩部電影在內地上映，故忙得不可開交。問到是否寄情工作療情傷？她說：「我一向都寄情工作，不過依家係更好嘅timing。」
周倩圯未揀定
另外，Samantha早前被本報拍得疑似劈腿，分別與外籍型男Nicholes及Ricky逛街，她笑言：「男未婚女未嫁，可以選擇多啲對象。」她大讚Nicholes細心，並透露打算與對方同遊泰國。
文：名人組