被o靚模big住靠邊站 克勤：波先係主角
李克勤昨晚以「now TV 2012歐洲國家盃」大使身份現身apm，跟o靚模楊梓瑤、許穎（Phoebe）、趙碩之、Rainbow及新鴻基地產代理租務總經理馮秀炎出席倒數大典。穿斜膊波衫的Phoebe最性感，幾位o靚模為了搶鏡趁大合照時攝在中間位，搞到克勤、now高層何麗全和名人蘇蔡潔蓮都要靠邊站。
對於被o靚模逼到企側邊，克勤笑說：「波（足球）先係主角，冇所謂。」他透露去年跟now簽約主持歐國盃，當時四大唱片跟無綫仍未破冰，有指無綫要四大歌手簽約，問好友兼無綫新老闆陳國強有否通知他？克勤笑說：「我哋見面通常唔傾公事，自己分得好清楚，朋友還朋友，工作還工作。」
撐無綫原則清晰
克勤又指無綫對他好公平，破冰前後都安排他亮相很多節目：「無綫嘅原則好清晰，唔係合約歌手唔可以有挑戰歌，唔能夠角逐勁歌總選，所以唔會有獎。我知有好多是非，不過我唔會理，總之呢刻冇人講過有新規矩。」
同場的Phoebe被問到跟石油太子傳緋聞一事，她強調仍是單身，雙方只是朋友，記者指她認識的男仔都很有錢？她笑說：「係呀，識親都唔錯。不過揀男友講心，最緊要溝通到。」
採訪：音樂組