姜文勇奪最傑出導演
名導陳可辛、爾冬陞（小寶）、馮德倫、成龍及陳偉霆等昨晚出席香港導演會春茗。英皇電影《讓子彈飛》、《桃姐》及《竊聽風雲2》成為「最受推介電影」，「最傑出導演」則落入許鞍華（Ann）、姜文及徐克手上，兼奪「榮譽大獎」的Ann說：「真係得好多獎，如果我太得意忘形，希望各位同業提點。」姜文即笑言自己對獎項陌生：「最緊要多謝英皇電影。」
席間，陳偉霆承認將在英皇新片中飾演蠱惑仔：「好多場口都好激。（包括下體受創？）睇報道先知，但睇見都痛！自己都唔介意『出賣』下體，因為角色係食腦，唔係賣弄色情。」至於馮德倫透露忙拍電影《太極》三部曲：「依家拍咗2集，希望暑假上。」並指與奇洛李維斯的《太極拳》大相逕庭：「遲啲會邀請小寶拍套賽車片，我同吳彥祖都會演。（爭做主角？）等佢做啦，我幫手揸機！」
