祖兒睇勁歌如飲奶水
無綫音樂節目《勁歌金曲》更改形式，增加遊戲環節令歌手唱歌機會減少。天后容祖兒坦言節目猶如奶水有情意結，希望改革成功。江若琳則說新形式幾好玩。
樂壇天后容祖兒與歌手江若琳（Elanne）、王菀之等前晚為《勁歌金曲》錄影，祖兒即場獻唱冠軍歌《我要玩》。對於《勁》節目更改形式，祖兒表示如果同時有更多機會給歌手唱歌當然最好，她說：「我由細到大都有睇《勁歌》，好似飲奶水咁好有情意結，細個都冇乜歌唱節目。其實節目一直改革緊，改革係唔會一次成功，要慢慢進步，畀啲時間去改啦，我支持o架。希望唔好令節目褪色。」
支持黃偉文性向
對於好友黃偉文被拍到與同性密友逛街，問到是否關係浮面？祖兒說：「唔好搞人啦，人哋做醫生，唔知人哋鍾唔鍾意被人拍。朋友關係 囉，我都有見過對方，留畀佢哋自己答啦，支持佢嘅。」
Elanne開心被玩
此外，同場的Elanne今年將主力樂壇並推出新專輯，對於《勁》節目改制，她說：「都唔會失意嘅，以前嚴肅啲，依家仲有遊戲都好玩，我啱啱拍完劇返香港，上節目當熱身一下先。」對於節目中加插不少與歌曲有關的遊戲，她笑言自己唱K會唱懷舊歌為主，朋友亦質疑她年紀報細數。問到不拍劇會否減少收入，她說：「理想係冇價嘅！」
文：影視組