葉慧婷 迪子糖水潤一潤
秋冬期間，歌手最喜歡吃糖水，皆因潤喉兼養顏！樂壇新人葉慧婷（YT）與師妹迪子就為大家介紹一間以「天然」味道見稱的糖水店。
YT表示最愛這裏的「核桃糊」，她說：「因為核桃補腦、補腎，而且仲係生磨，味道好濃，又自然，又有粒粒口感！」迪子同意說：「我碗『白芝麻雪耳杏仁露』都一樣，都係生磨，好濃！同埋雪耳好夾味，又滋潤！白芝麻亦都好香口、好有口感！」
YT亦向大家介紹「桂圓甘筍燉蜜梨」，她說：「呢款好啱呢個季節飲，雪梨唔會太過爛，好有口感，我鍾意佢唔會太甜，又有龍眼肉，好好味！」而迪子則介紹「雪耳馬蹄露」，她說：「呢個就好滋潤，好啱冬天飲，味道好清甜！」
場地：黃埔芝麻綠豆甜品店