蒙嘉慧（YoYo，圖）將處女下海為無綫《三個女人一個墟》節目擔任主持，與呂慧儀及DJ卓韻芝一起合作，首次擔任主持的YoYo自認口才平平，勝在求知欲強：「節目中會以唔同層面講女人嘢，包括美容心得、靚嘢咁，監製仲要求我哋訪問嘉賓時，打爛沙盆問到篤，我都好有興趣試吓。（會否八吓最近卓韻芝同外籍男伴嘅新聞？）我同佢識於微時o架！我第一套劇《新鮮人》都係同佢合作，不過我唔係好八卦！」
三位女主持各屬不同類型，呂慧儀有身材、卓韻芝則豪邁開放，YoYo自評時笑言：「我係保守嗰類型囉。」
