鄧伊玲嬲爆 寸阿嬌多嘴
鄧伊玲（阿旦）與主持人黎國輝（阿感）分手，鍾欣桐（阿嬌）捲入風波，兩女昨日分別亮相公開活動，阿旦先暗指阿嬌冇資格評論二人兼不應多嘴，阿嬌則暗寸阿旦：「要回應唔使等咁多日！」
o靚模鄧伊玲被TVB主持阿感單方面提出分手，有指導火線是他曾力追女星阿嬌。昨日阿旦到now TV接受訪問，坦承當日未有一致公布「分訊」而感到不開心，覺得有人在處理手法上出現問題，但強調沒有嬲和責怪阿感，她眼紅紅兼哽咽的說：「佢唔係賤男、衰人。」
「好受傷害」
對於阿嬌公開指阿感「遇人不淑」，日後要帶眼識人，阿旦說：「兩個人嘅感情事，其他人冇資格評論。（唔好多嘴？）都係，錫佢嘅人唔需要公開評論，我聽到令我好受傷害。（阿嬌話你博宣傳？）我冇出書又冇出碟，有咩宣傳？畀人誤解自己有唔開心。如果講遇人不淑，我又唔係色狼！反而阿感好易同人做friend，我希望佢日後要留意番，同埋小心身邊朋友。」
「牽涉到我」
至於阿感是否追過阿嬌？阿旦說：「實質行動冇，不過阿感把口好甜好識氹人。做女友知道一定會小器，其實佢可以避免。」另邊廂阿嬌與蔡卓妍接受訪問，記者一提阿旦，阿嬌已搶先說：「佢諗通咗嘞？（佢話旁人不用多嘴。）依家牽涉到我嘛，如果唔係搞到人，點會有呢啲新聞？要回應早就回應啦，隔咁多日！」蔡卓妍亦幫口說：「我哋都係保護自己，希望件事快啲過。」
文：影視組