宋熙年七吋踭險仆
鄭裕玲主持的節目《財智達人II》昨日一連錄影兩集，湯盈盈與洪天明拍檔做嘉賓，見面即刻互窒，洪天明拿盈盈與錢嘉樂的戀情開玩笑說：「我哋呢啲就好穩定，佢就唔知喇，希望嫁得出啦。」洪天明透露稍後將與錢嘉樂到日本拍攝特輯，並於情人節當晚返港，他對盈盈說：「你嗰個都會返喎，佢話送嘢畀你，送你一程呀。」
湯盈盈透露現時投資全交爸爸處理，她說：「好多年前畀人呃咗二十萬仲走埋佬，真係好大教訓。」
另一集嘉賓則有宋熙年、李詩韻、姚子羚，嘟嘟姐見穿上七吋高踭鞋的宋熙年大感牙煙，話口未完宋熙年幾乎仆倒，宋熙年說：「呢對鞋最高，但都未仆低過，好彩次次都有驚無險。」李詩韻則透露每次買股票皆損手，宋熙年和姚子羚即求「明燈」指點入市時機。