DaDa出馬師妹唔敢爭bra

剛踏入春季，擁有33D火辣身材的DaDa，日前帶同兩位師妹阿旦及Monna挑選新bra谷咪咪。約中午時分，三女現身位於旺角一間內衣店，甫進店內，她們面對各種不同款式的bra bra，都顯得十分雀躍，並分頭揀選心水靚bra及性感內衣。

DaDa性感內衣連bra一齊試，極為誘惑。	阿旦一bra上身，奇峰盡現。	Monna（左）與阿旦試bra試到險反面。

試身室外鬥胸湧

阿旦很快已挑選了一大籃新款bra往試身室，隨後DaDa及Monna亦相繼拿着心頭好柴娃娃入內試身。三人試上身後更大膽地步出試身室，互作比較及研究，三女頓時令寒冷的天氣升溫。

期間阿旦看到Monna身上的谷胸bra，穿起來顯得尤其豐滿，於是要求交換試穿，但Monna卻一口拒絕。期間兩人你一言我一語，不斷口噏噏兼面左左，似是發生口角，最後要大師姐DaDa出面和解。

其後DaDa再揀選了多款不同的bra給兩位師妹自由配搭，最終各人都成功覓得心頭好。記者上前問到兩師妹是否為爭bra而反目？DaDa笑言：「因為之後有個活動，所以出嚟一齊揀bra，我哋經常都係咁樣爭嘢，大家都係想靚啫，每次都唔會真正反面嘅！」

李雨陽約戴夢夢

另外，DaDa的緋聞男友李雨陽，日前下午獨自現身中環街頭，期間見他邊行邊講電話，未幾進入了該處一間甜品店。甫坐下，他又拿出電話按個不停。醫完肚，他再會合好友戴夢夢，齊齊往附近一間新開設的食店。

文、攝：追蹤組