傅嘉莉泰離奇鎅手縫8針
有「翻版徐子淇」之稱的模特兒傅嘉莉（Kelly），新年期間到泰國旅行，卻意外地被鏡框鎅傷右手流血不止，最後要到醫院縫了八針，同日家中的鏡子亦突然掉下，打得粉碎，非常詭異，嚇得Kelly返港後即時拜神。
模特兒傅嘉莉（Kelly）早前獨自到泰國旅行度春節，但卻發生疑似靈異事件，無端受傷見紅，最後要到醫院求診，令她此行畢生難忘。
流血不止
Kelly表示意外發生在行程最後兩天的深夜，她說：「我當時喺廁所，因為跌咗支眉筆，我彎身去執番支筆，右手手肘就畀門上嘅玻璃鏡框鎅傷咗，仲流血不止，傷口又大又深。」Kelly初時嘗試沖水及用毛巾止血，但並不見效，後來Kelly想到以傳統方法，用糖來止血：「雖然血係暫時止住，但依然不停滲血水，連床單都係，最後我等到天光，就即時打畀泰國當地嘅朋友帶我去醫院縫咗八針。」
返港拜神
Kelly稱事後發現玻璃鏡框其實並不鋒利，至今不明為何會鎅傷，而她的家人亦告訴她，在她發生意外同一天，家中的玻璃鏡突然跌下及打碎，令Kelly大感不安：「我返到香港都去咗佛堂上香求安心，朋友就安慰我，話新年見紅係好事，新一年會鴻運當頭。」而Kelly回港後亦到了診所覆診，預計一星期後才拆線。
文：名人組