靚靚支持老公買心頭好
其實Chilam在圈中堪稱隱形富豪，除了一擲千金買名車外，早前亦正式加入馬主行列，跟郭富城及一名圈外好友合資購入一匹馬。他對太太袁詠儀（靚靚）亦非常慷慨，繼去年花心思送了一部經典車王MR2後，上月還大手筆買給靚靚一個價值逾40萬元的鱷魚皮手袋。
對於寶貝囝囝慕童，Chilam一樣無微不至，為遷就囝囝入讀學校，近年不停搬家，每次均選擇港島優質豪宅，雖然一直只租不買，租金也非常「乸脷」，閒閒地月租10餘萬元，數月前更以20萬元租住淺水灣二千多呎高層海景單位。
靚靚對Chilam買入林寶堅尼，表示支持老公決定，她說：「我知道係佢心頭好，買嚟獎勵自己亦無可厚非，可以作為工作嘅推動力，不過凡事要適可而止。」