張智霖豪買辣牛 孖城城出巡

張智霖與圈中「玩車兵團」郭富城、沈嘉偉及余文樂向來老友鬼鬼，齊齊結伴追逐「新歡」，經常聚首食消夜講車經。眾人之中郭富城、沈嘉偉及余文樂先後已擁有頂級辣車，相比之下，張智霖玩車明顯較有節制。不過，最近Chilam遇上dream car難以忍手，豪花約300萬購下林寶堅尼Gallardo LP560-4Spyder開篷辣牛。該車為雙門雙座位跑車，配備V10引擎，容積為5,204cc，最大馬力為560hp/8,000rpm，最大扭力為55.0kgm/6,500rpm。

「我哋揸情侶車」

Dream Car落地未夠一個月，前晚Chilam相約沈嘉偉和郭富城到銅鑼灣富瑤酒家食消夜兼晒車，三人將座駕一字排開，停泊在酒家門外。沈嘉偉價值200萬的平治CLK-DTM超級跑車排頭位，繼而是城城掛上AARON車牌銀灰色林寶堅尼，Chilam落地不久的炭黑色型仔林寶堅尼殿後，三架靚車同時聚頭，車價加埋接近千萬，吸引不少途人圍觀，更有人取出手機為辣車360度影寫真。

晚上11時半，Chilam率先步出酒家，被問到再買車，他心情勁靚地說：「係呀！我哋幾個揸情侶車！」至於揸辣車會否被老婆靚靚投訴？Chilam笑而不答，再問到跑車難以接載小朋友，Chilam繼續傻笑，然後友善地揮揮手即急急登車。而戴帽穿皮褸的城城和沈嘉偉亦隨後步出，三架辣車引擎一響齊齊絕塵而去。

三部昂貴跑車一字排開，於銅鑼灣路邊極度搶眼。最左為沈嘉偉的平治，中間是郭富城愛車，最右是張智霖的新歡。	郭富城愛車	張智霖新歡
郭富城對座駕要求甚高，看得上眼的絕非等閒之輩。	名下有多部座駕的沈嘉偉，不時約老友交流車經。

2012做得就做

昨日記者再致電Chilam了解新車詳情，他說：「其實唔好渲染，買架車唔係咁大不了，每個人用錢都有自己嘅選擇，大家都好唔同，有啲人鍾意買股票，我就鍾意買車囉！加上今年2012嘛，想盡量做啲自己鍾意嘅事。（會唔會覺得香港路面難以發揮到新車性能？）絕對係，不過我個人好守規律架，唔會揸到好快。（今次好豪喎？）都OK，我又唔係第一年出嚟做嘢，獎勵自己都唔使諗係咪賺咗好多，唔係咁暴發、咁膚淺嘅。」他笑說現在每天都想見到架車，更說：「唔係一定要擁有嘅，如果有得租我都會租，但可惜冇，咁惟有買囉。」

文、攝：追蹤組