三太護山聰︰要減都我減先
陳山聰自從與賭王千金何超雲拍拖後，體重直線上升，有傳三太陳婉珍勒令對方減肥，昨日三太出席春節團拜時否認此事，並擺自己上枱﹕「要減都係我減先。」完全感染了賭王風趣幽默的本色。
昨日賭王何鴻燊三太陳婉珍以副主席身份出席東華三院春節團拜，談到新年，三太透露在春節期間跟賭王麻雀耍樂，賭王更一家贏三家，非常厲害。至於女兒何超雲的男友陳山聰就於初二上門向他們拜年，並買了十三么麻雀造型的曲奇作賀年禮物氹賭王開心，她說﹕「賭王梗係開心，佢冇食，只係睇，覺得睇好過食。」
自己處理生意
問到會否想超雲早點派利是？三太非常開通﹕「呢啲等佢哋自己諗。（你有冇催佢哋結婚？）冇，啲細路自己識諗，想結婚會話我知。（想唔想叫山聰去你公司幫手？）我暫時可以處理，唔需要人幫我手。」自從山聰與超雲拍拖後，身形發福不少，有指三太要求山聰減肥，對此三太即時否認，並以自己身形來開玩笑﹕「要減都係我自己減先。（覺唔覺得佢肥咗？）係肥咗。（一齊減肥？）佢哋會搞。」
超蕸團拜冇影
至於有傳超雲有意打本給山聰開時裝店，三太稱並不知情，她說﹕「我唔知佢哋有咩計劃。（想唔想佢哋合作搞生意？）睇佢哋點諗，佢哋鍾意都會支持。（想佢哋財政獨立？）佢哋向來財政獨立。」
另外，身為東華董事局成員之一的超瓊胞妹何超蕸昨日未有現身團拜。
文：名人組