黃秋生母親癱瘓 急返港
影帝黃秋生本身在內地拍攝劇集《楚漢爭雄》，昨早接獲家人電話通知，指母親在家中動彈不得，正在送往醫院途中，心急如焚的他即急急告知劇組，幸得劇組開綠燈，還為秋生訂返港機票看母親，令秋生大感窩心，他謂︰「因為我呢邊冇機直接返嚟，要轉機去廈門先，話阿媽癱咗喎！真係好擔心，點辛苦都要返去睇吓佢，不過我都答應好劇組，後日會返去歸位。」
而談到早前有網友為孔慶東出頭與他展開罵戰，還表示齊齊罷看他的電影，秋生對此謂︰「我依家拍緊套大劇，咁講嚟講去都係三幾個網友，相信佢哋都係睇翻版多，我有成百萬粉絲唔怕，況且呢排又有家事要處理，唔會理呢啲人。」