周秀娜唔急嫁 准男友繼續滾
去年吸金二千多萬的周秀娜（Chrissie），趁農曆新年返港與男友陳偉成（Avis）一起度歲，雖然她早前答應男友的求婚，但卻不急於做陳太，Avis龍年冇新娘接，惟有帶女友去請教台灣著名金箔紙藝大師陳一中學摺紙龍賀新年，希望龍年行大運，愛情事業皆得意。
Chrissie透露今年準備六位數字派利是，而且每封利是都會加碼，希望龍年人人都過得開開心心。已非首次派利是的她更指現在無意以「陳太」身份派利是，直言事業行先緊要過嫁人，Chrissie說︰「依家梗係發展事業先，而且剛投資生意，我未有時間去諗，何況我仲有好多青春，唔急結婚住！」
男友Avis亦異口同聲稱以事業為重，他說︰「我同Chrissie各有各忙，大家掛住搵銀，結婚遲啲先，將娶老婆嘅錢再滾大啲先啦！」
攝影︰林楠 場地︰東港城