Iris：Jeana完全失控
本報昨日獨家報道o靚模Jeana（何佩瑜）及Iris（鍾采羲）因「整容怪」言論於夜店「開拖」。Iris昨日為事件解畫兼展示傷勢，她澄清當晚與友人未有嘲諷Jeana是整容怪，她無奈地說︰「我同外國朋友討論我個酒窩（假酒窩），但佢（Jeana）突然踢門入嚟鬧我個朋友，完全失晒控！我當時好驚，叫佢冷靜啲，嚇親我！」
Iris強調沒與Jeana對罵，覺得對方當時有點神志不清。問她傷勢如何？她即展示手臂瘀傷︰「我撞咗落門度，隻手有少少瘀，但唔係好嚴重。」她表示以後跟Jeana碰面不感尷尬，還寸嘴說：「做呢行EQ要好高先得，希望佢控制吓情緒，唔好失控傷害到身邊嘅人。」之後Iris更到上環拜神，祈求新一年事事順利。
Jeana唔認飲醉
Jeana昨日則以電話回應事件，期間不失寸嘴本色。她說︰「我睇咗報道覺得好好笑，未見過自己咁威武，好似烈女咁。如果我踢落度門，應該唔只得鞋印，起碼成度門飛落街啦！」問到當晚有否飲醉？Jeana說：「嗰晚朋友酒吧開張梗係有飲酒，唔會飲可樂，但我冇飲醉。我希望年廿九大家和和氣氣，有機會都會去同佢拜年。」
Jeana又稱經過今次事件才認識Iris，問見面會否打招呼？她繼續寸爆地說︰「大家識咪打囉！」
文：專案組