泳兒前晚為國語碟舉行簽名會，明日大除夕則返內地工作，因可賺錢給父母，工作一樣高興，過年可以封大利是給他們。二月將放大假的她，會跟男友去旅行：「我哋會去滑雪，呢個假期好難申請，因為放兩星期，所以農曆新年咪要做嘢。」
問泳兒會否叫男友上屋企拜年？她說：「遲啲先，因為好似好formal咁。」父親未見過男友，她笑言：「佢淨係知男友係髮型師，所以一有人上嚟幫我整頭，爹哋就以為嗰個人係我男友。」其母已見過男友，問到評價如何？泳兒說：「我開心佢就OK，佢都覺得我呢排開心咗！」
