劉美君「疤閉」拒整形

早前在雅浦島拍攝旅遊節目而「炒單車」撞傷鼻樑的歌手劉美君(Prudence),日前為亞視的舞蹈比賽擔任評判,她表示傷口「愈埋愈靚」:「條疤痕扁咗同細咗,(考慮整形?)唔會啦!依家都無咁冤痛。」另外她透露農曆新年會為新碟錄音,屆時男友亦會返港:「佢會從美國返嚟探我,希望抽到時間去旅行,想去哈爾濱睇冰節!」

同場的歌手關楚耀與男子舞蹈組合Bro5擔任表演嘉賓,與糖妹傳緋聞的Bro5成員Dominic,在糖妹早前的演唱會上聽到她說「我愛你」有否心動?他表示:「如果佢同我講都會,但佢嗰時都無開名!」