JW揀花膠公乸不分

JW在農曆新年時已返英國繼續升學，離港前JW想到為父母送上年貨，專程跑到九龍城的海味店掃貨，不過，JW對海味一竅不通引來連番笑料。JW即場被海味店老闆考起，要她將花膠分辨「公乸」，JW見花膠身形修長便說是「公」，原來卻剛剛相反，短而厚身才是「公」，JW拿着五千元的大乾鮑，嚇得她即刻放下。老闆亦識做介紹罐頭即食鮑魚，更讓JW即場試食，又請JW吃碗仔素翅，令她大飽口福。

拿手菜傍身

JW表示母親並非香港人，很少買海味來入廚，所以便想到買海味送給母親過節。每年團年飯母親都愛親自下廚，會煮髮菜蠔豉和豉油雞。母親可會向她傳授廚藝？JW笑言：「媽咪有教o架，試過我喺魚市場買咗蟹唔識整，越洋打畀媽咪求救，媽咪好有耐性逐個步驟教我，我就跟住做，好開心成功煮到，班英國同學將碟蟹食到一件不留清晒，又試過煮甜酸骨。（同學眼中的小廚神？）唔好咁講，留學讀書時大家都有一兩道拿手菜傍身嘅。」

愛整蝴蝶酥

問到靠廚藝可吸引到男仔追求？JW笑言：「我呢個年紀應該未係用廚藝可以吸引到男仔，可能到大個啲先會，只係識整吓甜品同蛋糕已經足夠。」不過，整餅亦未有難倒JW，因小時候最叻是整蝴蝶酥，連父母都讚好味。

文:音樂組

髮型：Sunny Yu@Hair Culture

化妝：江中平@A & V Makeup School

場地：九龍城好東西