Jeana勁吸800萬 龍年買遊艇
「不倒胸」何佩瑜（Jeana）化身性感美人魚搶先拜年，更以半裸造型寓意新一年脫胎換骨，事業愛情順風順水，去年勁吸近800萬港元的她，揚言龍年要豪買7位數遊艇自我獎勵！
去年靠33C上圍及出位言行成功彈起的Jeana，工作、吸金冇停手，出寫真、拍戲、打碟加上廣告代言，短短一年已進帳近800萬港元，有價有市。Jeana於新一年將乘勢追擊，化身美人魚提早拜年，更即場寫創意揮春「『瑜』意吉祥、龍年大吉」，希望自己於龍年能如意吉祥，事業鯉躍龍門，更上一層樓！其中Jeana更只以雙手掩「不倒胸」，以半裸美人魚造型寓意新一年將會脫胎換骨，各方面會有新突破！
眼見師姐周秀娜最近豪擲千萬創業吸人仔，Jeana亦朝對方吸金之路進發，她表示新一年繼續北望神州搵人仔，目標要比去年賺多一倍！她說︰「今年我要搵夠一千萬，當然搵錢愈多愈好，工作多啲嚟咪密啲手囉！」去年賺到豬籠入水的她要龍年豪買價值七位數字遊艇，她說︰「我嘅目標唔止買樓，仲要買隻7位數嘅遊艇！」
願望早覓如意郎君
喜愛大海的Jeana表示買遊艇後可call齊三五知己隨時出海，在船上開派對，又可與男友出海過二人世界，不過她卻大嘆現時感情空白︰「上年自己愛情唔如意，希望新一年會有個好開始，愛情如魚得水，搵番個如意郎君！」
文︰專案組 攝︰倪立煌