模特兒趙嘉懿（Carrie）昨日出席會展舉行的fashion week，並為其中一場時裝巡禮行騷，期間Carrie穿上多套富印度色彩的晚裝，她表示自己很喜歡這種民族風格，覺得好高貴。她透露小時候曾想過當時裝設計師，不過自覺畫功不好，所以只好打消念頭。
農曆新年快到，Carrie透露：「會放假同屋企人過，今年就預備咗三萬蚊派利是，囝囝應該可以收番一半利是錢，上年佢都有成萬蚊利是，由佢出世開始就有戶口，希望幫佢儲錢讀大學，亦想佢自細養成儲蓄嘅好習慣。」
