毛舜筠晒線志偉動L

曾志偉連續三年為邵氏炮製賀歲片都撞正黃百鳴,早前黃百鳴在《八星抱喜》宣傳活動上惡搞熊黛林做爆樽騷,志偉單打對手用「屎」橋:「我仲想去首映捧場,但到時佢哋玩淋屎,咁我點算好?」

志偉的賀歲片《我愛香港之喜上加喜》用盡時下賣座電影搞gag,毛舜筠更首次展示「事業線」大跳艷舞,她說:「冇人見過我着咁少衫,連志偉都出醜有生理反應(指劇情),結果因兒童不宜被刪剪。」志偉不忿說:「《那些年》就得,我裝假狗玩『動L』卻被剪!」片中用上多首歌曲,費用超過百五萬,志偉大叫失策:「首映去完謝票,睇怕要去同高層謝罪,票房要收多幾百萬才填到數。」