力數祥子 拒再合作 宣萱：工作求開心
宣萱剛拍罷內地劇《祥子的故事之新都巿人》，因被指耍大牌，嬲得她出聲明狂數劇組七宗罪，昨日她接受電台《巴巴閉邊個夠我查篤撐》訪問，力數男主角王兆祥（祥子）工作態度有問題，她說：「佢唔拎劇本、唔記對白，成日『裝』人哋劇本拖慢咗拍攝，既然『裝』人不如自己帶；佢掛住休息，每次行到冇雷公咁遠，每個鏡頭都要請佢出來，但唔係一、兩次就出，好疲累。」
容忍有限要出聲
宣萱表示祥子用兩年時間斟她接拍這個劇，原本傾是200集，最後變30集，第一日開工服裝已出問題，她說：「係冬天劇，但畀我夏天衫，要買過晒啲衫，但又話冇錢，最後畀我一萬元置30集女主角服裝，極度有挑戰。」宣萱表示過了她容忍限度就要出聲，談到她被拖欠片酬，她表示合約白紙黑字寫明，煞科前12日一定要畀尾數，結果劇組提早收工，但對方以不同藉口拖欠其尾數，最令她嬲怒是對方傳短訊給她香港經理人，反屈她罷工毀約，要求賠償，最後由祥子太太向她道歉了事。
法蓉撐為人公正
宣萱坦言跟祥子再沒聯絡，也不會再跟對方合作，她說：「我適應唔到。」她否認見錢開眼，她表示：「識我嘅人都知我工作求開心，唔開心一定唔拍。」她形容今次受到不老實對待，是經一事長一智，不擔心影響她在內地發展，因為她問心無愧，她說：「工作人員知我係點，我熟讀劇本交足戲。」她表示日後接拍內地劇會小心，去年她拍了四部戲，會稍作休息，新年想陪家人及去旅行休息充電。
此外，陳法蓉前晚出席活動時則撐好姊妹宣萱，讚她為人公正。她坦言在TVB亦曾遇過同樣事情，但聽聞那人已改過自新。
文：音樂組