諸葛獲薛嘉麟錫住 心情靚番

早前小產的Marie雖然心情低落，但前晚仍然繼續工作，出席品牌舉行的派對擔任嘉賓，表現堅強，情緒明顯比之前平復不少。而活動臨近完畢時，薛嘉麟現身會場，Marie甫見未婚夫現身即時甜笑，二人還手拖手合照，表現恩愛。

親自管接管送

Marie透露男友薛嘉麟對她十分緊張，除了會親自於活動後會接她離開，還會一日打數次電話關心她，Marie說：「佢一日打幾次電話畀我，成日問我情緒有冇好激動、有冇食嘢，食咗啲咩嘢咁。因為醫生話我食嘢少，叫我食多啲，但要我想食先食，我腸胃唔係太好，惟有食多啲有營養嘅嘢。」

問她會否經歷小產一事後，與未婚夫的關係更好？Marie直言二人感情向來很好，更甜笑承認沒有揀錯對象，她說：「佢好關心我，比我自己更擔心我。我比較偏食，佢會問我食咗咩。（男友有冇買禮物氹你？）唔需要，依家咁做已經好感動。」

文：名人組