Baby揼千萬榮升飲食女王

在兩岸三地人氣急升的Angelababy，近年除了模特兒工作，還廣告、電影、唱歌及做生意瓣瓣掂，去年她拍電影及廣告已滾出半億收入。不過，Baby亦深明花無百日紅的道理，明白錢搵錢才最實際，實行與身家過億的黃曉明拍住上，分頭中港兩地投資生意，齊齊成為生意吸金達人。

曉明除了成為廣告電影搶手貨，去年更被內地傳媒封為「內地男星廣告代言第一人」，單是去年收入已逾二億元！曉明早前亦承認自己是內地最吸金的男明星，加上手持華誼股票經過兩次轉配股及分紅，身家早已過億！另外他亦跟朋友合資經營紅酒莊及高爾夫球場等生意外，去年更設工作室投資電影和電視，生意瓣數多愈滾愈大！

心雄再下一城

男友如此事業有成，Baby當然吸取不少搵銀秘笈，年前先小試牛刀開美甲店，去年更處女下海染指飲食業，以自己做生招牌於旺角開設baby cafe，實行賺年輕人錢打造飲食王國！開業短短四個月已生意興隆，令她心郁再下一城，睇中銅鑼灣某商場的過千呎地庫，與《全城熱戀熱辣辣》導演陳國輝再合作，更把投資額加碼達六百萬港元開分店。

本報致電陳國輝，他表示新店裝修正進行得如火如荼，問到是否因為回本所以再添食，他笑稱：「係幾好生意，不過講真仲未翻本，只係大家都想喺九龍開一間，香港區開一間，咁啱呢個地方幾好，所以就有呢個計劃，（想開連鎖?）都想架，一步一步嚟，（投資幾多?）上次四百萬，今次加埋都差唔多六百萬，同Baby合作好愉快，大家已經建立咗信任。」他又透露Baby早前已找來好友夏永康影相炮製新一輯造型，繼續做生招牌外，並透露更與另一生意拍檔吳彥祖的壽司店MONSTER SUSHI同場開分店，Baby跟吳彥祖同場打對台，實行以星級食府名堂吸引粉絲。

返港出席開幕

對於再開分店，Baby經理人Kim表示當然開心，更言新店將於三月開幕，又表示雖然Baby好忙，一定會抽時間出席開幕，對於總店開業只四個月又開分店，Kim說：「係呀，生意唔錯，（今年開多幾間擴展飲食王國版圖？）要睇定先，Baby覺得應該慢慢嚟唔好衝動，睇定個市先逐步嚟。（幾時返香港?）過年先返香港抖幾日同埋陪家人。」

文：專案組