栢芝主動鍊車報答馬楚成

當年栢芝似白紙一張進軍影壇,獲馬導誠邀夥拍任賢齊演出《星願》,一曲《星語心願》更令她名利雙收。一向講義氣的栢芝,首肯以「友情演出」客串對方的新作《極速天使》,夥拍湯唯及劉若英鬥戲。當年的清純護士變身今日的辣薑女車手,形象可謂大相逕庭,馬導大讚栢芝演來入木三分﹕「當年《星願》如同童話故事,今次《極》片就將佢拉回現實,感情世界裏好多時都係殘酷嘅。」

三女角車技不凡

栢芝戲中邂逅日籍男演員北川一輝,為感情上不惜孤注一擲與好姐妹劉若英反臉,結果遭始亂終棄,馬導不諱言﹕「應該贏到唔少女觀眾嘅共鳴,完全將刻下女性心態表現出嚟。」馬導又以意外收穫形容這次相隔八年的合作,原來他早在栢芝生完BB時已想邀她演出《花木蘭》,直至今次栢芝為還人情債親自致電給他,結果一拍即合。

三位影后因應劇情落場鬥車,馬導睇好栢芝與劉若英短途勝出,相反湯唯則適合長途鬥,可謂各有長處。三個女人一個墟,卻合作得完全在他操控之內,令拍攝流程相當暢順。至於有指北川一輝性格孤僻,馬導澄清﹕「冇問題喎,總之我拍戲佢做到我要求咪得囉,佢同韓國演員韓在石同場,雖然雞同鴨講,但接到對白喎,問你服未?」

文﹕影視組