譚小環做好準備隨時生B
前港姐譚小環跟無綫解約之後，樂做少奶奶享受生活，結婚4年的她一直跟老公過二人世界，最近老公終於開口想要一個baby，身為老婆的小環乖乖接旨，做足心理準備開工造人。
譚小環去年跟無綫解約後，放下了多年來的工作壓力，全職做家庭主婦回歸平凡人生活，她說：「依家識享受生活，有時間就去泰國旅行，又近又舒服，因為老公好怕坐長途飛機，有次去完意大利，我哋不約而同話唔好再搞，最緊要行程快有得休息，使費又便宜，有機會都想移民泰國。」
從沒抱怨
早前小環夫婦就去了鄰近的台灣旅行兼慶祝結婚周年紀念，她說：「眨吓眼就4年，前幾年我哋好享受二人世界，加上老公工作好忙，同佢食飯都要排期，真係冇諗過生BB。」雖然老公忙工作，但小環好體貼從沒抱怨：「我欣賞男人擺時間喺工作上，只要佢分配時間聽我傾訴心聲，我就會畀好大自由度佢，我哋相處之道就係咁，適當時候做適當嘢。」
調理身體
過了4年二人世界，小環老公終於想到生B問題，她說：「或者呢一、兩年會生BB，始終年紀愈大，適合生BB嘅時間非常窄，前兩年我哋冇計劃生B，寧願養狗，因為我好鍾意小動物，相反做媽咪要有好大責任，依家我覺得思想成熟可以做媽咪，連老公都出聲話想要baby，係時候好好諗吓。」現年39歲的小環笑說：「希望生得出啦，依家要調理好身體先。（搵醫生幫手？）都會考慮，身邊朋友試過唔得會搵醫生，都有醫生朋友話贊助我生仔，哈哈。」
採訪：音樂組