王祖藍自嘲人瑞組合
王祖藍、李思捷、阮兆祥前晚出席商場活動，對於陳豪、黃德斌、林保怡組了一隊「Sober Band」，與他們的「福祿壽」在樂壇較勁，王祖藍揚言兩隊組合無得比：「只係睇黃德斌嘅肌肉、陳豪嘅咖啡味同林保怡嘅男人魅，就已經贏晒，佢哋嘅《年少無知》亦成為咗經典。」
王祖藍又稱TVB有不少由藝員轉做歌星的成功例子，而他們兩隊組合加埋便是「人瑞組合」，因為兩隊Band加埋成百歲，而TVB好少新進人瑞組合，稱樂壇能百花齊放是好事。三人搞笑一輪，再大讚《年少無知》，指該首歌乃無綫經典，經典程度猶如歌曲《上海灘》一樣厲害。