周家蔚鐵定3‧21擺酒

待嫁新娘周家蔚昨日到荃灣出席活動，她透露將於3月21日在W酒店擺喜酒招待親人，23日再另設酒會招呼圈中好友，並指本月底會赴澳洲沙灘拍攝婚紗照：「我會帶定比堅尼，仲準備咗驚喜畀洪天明添！」自認是豹紋迷的她表示，已準備了一套豹紋婚紗：「我都會叫天明一齊着豹紋，仲準備咗一件皮婚紗同皮西裝o架！」
快將出嫁的周家蔚自爆已準備好隨時生Ｂ。
快將出嫁的周家蔚自爆已準備好隨時生Ｂ。

不過，家蔚直言酒會當日不設接新娘環節：「早排做咗幾次姊妹，接夠喇！（錫住天明？）嗰日有30個姊妹分批玩遊戲o架！哈哈！」對於準老爺洪金寶早前在壽宴中「催生」，她笑言由天明揸fit：「壓力喺天明度，佢話事啦！我已經準備好，食緊中藥調理。（老爺讚你？）好感動，我會好好照顧佢個仔！」

周家蔚與朱慧敏（左）及許亦妮出席活動。
  • 周家蔚與朱慧敏（左）及許亦妮出席活動。