Kay專心綵排解約慢慢嚟

謝安琪(Kay)昨日為個唱進行綵排,提到有指她以三百萬向環球提前解約,Kay謂:「傳聞嚟啫!公司或者夏森美都冇講過,佢哋管理上面要磨合,交畀佢哋處理,我專心幕前工作。同埋要澄清個錯誤講法,話Kary(吳雨霏)入咗嚟之後森美幫我爭取好多嘢,係冇咁嘅事。」她強調很欣賞Kary,戥對方發展順利感高興,為免引起誤會,她會傳短訊給Kary解釋。

另外,環球高層黃劍濤昨日出席張學友巡唱記招,提到Kay提前解約一事,他暗示非Kay方面主動要求,他強調是環球與經理人溝通出問題,他說:「我同阿Kay冇嘢。」現就雙方合作提出數個不同方案,萬一大家拉倒,都希望和平分手。