法拉收料澄清：冇事發生

陳法拉昨日出席「東港城第六屆新春展會暨金箔．紙藝珍藏展」活動時，直言有留意正與男友度假的諸葛紫岐小產的報道：「聽到都有少少擔心，我有打畀男友問番件事，知佢哋喺夏威夷玩緊，冇特別事發生。」問到是否沒有小產這回事，法拉即口快快說：「冇呀！（咁係咪confirm咗佢佗龍B？）我唔知，私人嘢由佢哋自己答。知佢哋放緊假冇咩事發生，過幾日會返。」

她又表示自己正增磅中，男友負責請她吃東西谷肥她，但笑言與生龍B無關。她又透露新年會外遊，但未決定地點。她說：「主要休養下，（咁咪要提早向奶奶拜年？）都要。（依家身體點？）好咗，面癱情況都好咗。（奶奶買補品畀你？）暫時未收到，後生唔使。」

諸葛紫岐	Suki（右）今年「停產」，等生蛇B。	關心妍對諸葛小產一事並不知情。

關心妍為「老闆娘」祈禱

另外，同場的徐淑敏（Suki）就以露背裝現身，問到會否追龍B？她肯定表示不會，因為相士批她會生蛇仔。她又透露追到生仔後就會收爐。

此外，關心妍昨日出席活動時對於唱片公司「老闆娘」諸葛紫岐傳小產一事，她直言不知情：「唔知佢係咪真係有咗，所以唔評論，我會打畀佢了解。無論點我都會為佢祈禱。」

文：名人組