黃子菲嫁大律師 繼續工作

升格為「準模妻」的Ava將於1月20日下嫁大律師黃添偉（Tim），據知19歲的Ava與Tim年紀相差約10年，兩人情投意合，拍拖不久已決定拉埋天窗，早前飛到布拉格拍攝婚照，Ava將穿上與靚媽陳慧琳大婚當日同一品牌的婚紗登場。另外，晚裝Zarhah及場地布置Wedding Graden亦是同行「名貴」之選，整個婚禮以七位數字重金製作。

Rose或出席

將於四季酒店筵開三十多席的Ava找來圈中好友「E Cup Baby」劉欣宜及潮媽Mia等擔任姊妹，而最近是非纏身的陳嘉桓（Rose）與Ava亦私交甚篤，不過由於身在雲南工作未知能否抽空出席。

黃子菲與未來老公黃添偉到浪漫的布拉格拍攝婚照。	年紀輕輕便覓得真愛的黃子菲洋溢一臉幸福。	黃子菲是跳舞歌手狄易達的師妹。

Ava接受本報電話訪問大方承認婚訊，她說：「依家係準備緊。（嫁入豪門？）吓，唔好咁講，係佢好錫我啫，唔係話咩豪門，今次的確用咗好多錢，仲全數都係佢出，好珍惜佢對我嘅愛。」Ava又表示婚後將繼續工作，坦言不想被人感覺「榮休」變身少奶奶，她說：「依家有接廣告㗎，都希望有機會參與電影，自己由3歲學芭蕾舞學到依家，都想繼續演出。」

兩年後生B

至於問到生B計劃？Ava就說：「都有計劃過，可能兩年後啦，見到依家啲小朋友返完學又要學其他嘢都幾辛苦，所以都有傾過畀佢讀咩學校，想BB好似自己一樣讀國際學校，成長環境會開心啲。」